王牌冰室 (南豐紗廠) (已結業)

蕃茄汤午餐肉粒通粉配牛乳炒蛋，蒜蓉多士蕃茄汤底够浓，但略嫌有d太‘杰’嘅感觉，加返多少少水会好d，会贴近返佢叫做蕃茄汤。但蕃茄味系好充足嘅，亦都够甜。午餐肉粒应该系煎过，但好似煎过龙，面头有d硬而且干身左，我个人倾向午餐肉粒唔煎会更好。牛乳炒蛋系滑身嘅，蛋都够香。加两蚊转左要蒜蓉多士，都觉得合理，因为个蒜蓉多士蒜味足，好香，面包都好食。王牌特浓沙嗲牛肉公仔面沙嗲汤底个沙嗲味亦都系好香浓，但系同蕃茄汤底有同一个通病，就系太‘杰’，不过味道系好嘅。