外婆辣酒米線專門店

营业中

休息中

得宝商场多左咁多食店就求其拣一间食啰，就门口位呢间外婆辣酒米线，想食辣又想食米线，呢个店名啱哂。叫左个皇牌辣酒汤底嘅肥牛米线，呢个汤底比其他汤底贵，应该有保证挂，咁鬼饿再加底同加份鸡先。讲卖相，个肥牛米线就坚多米线嘅，但肥牛其实得几片，好在都唔系用超肥个种肥牛，不过就咁渌熟嘅肥牛就无乜味啦。至于个汤底，真系失望到极点，无酒味淡茂茂，水归水路稀能能，仲要叫中辣都唔系辣啰，唉…又话皇牌嘅…另外加个份泡麻鸡，已经再加大，都唔见得话好多，唔知例牌会有几大份呢？鸡系有泡椒味嘅，但唔系好入到啲鸡入面，一阵雪鸡味加酱汁咁样，又系失望…个份加底嘅米线都几大碗，虽然个汤底无味，都叫做食得饱嘅。呢个场叫人用手机落单，可以用支付宝比钱，叫做用得消费券啰，但个版面极唔好用，啲餐厅执左改左名又未更新，落完单几时有得攞又无通知，个程式大有进步空间。简单黎讲，无下次，完。