友拉麵

营业中

休息中

近日去咗荃湾一间拉面店食lunch。樱花虾拉面 $88 (8/10)呢度嘅拉面系有两种可以选择，直面/曲面，我就拣咗曲面。我通常食面第一啖系会试咗个汤底先嘅，呢碗樱花虾拉面嘅汤底浓而不腻，唔会食完好口干，唔错。呢碗拉面都有几多料㗎，除咗樱花虾之外，仲有我钟意嘅葱、味玉、两块豚肉、两块紫菜、竹笋。拉面点可以冇味玉呢，味玉即系溏心蛋，呢度嘅味玉系流心㗎，食完真系好疗愈☺️两块豚肉被火炙过，咬落口有火炙过嘅香味之余又唔会好干，仲仍然好腍，唔错。我平时都钟意食竹笋，呢度竹笋咬落爽口清甜，唔会有渣。每啖曲面都索满晒汤汁，樱花虾连埋汤一齐食更香，想食脆脆嘅紫菜就要食咗先，否则腍咗口感冇咁好。整体嚟讲系一碗好食嘅拉面。黄金丸 $28 (8/10)食完咸嘢到食甜嘢喇😄黄金丸其实系地瓜+香芋外层块皮系地瓜，地瓜入面包住嘅就系芋泥，咬落去甜甜地外脆内软QQ的，几好食😋总结：食物方面都唔错。特别想讲，呢度嘅筷子几靓，仲系特别包装过㗎，(用料唔系一般外卖𠮶啲平价即弃木筷子喔)，比到人有一种干净卫生嘅感觉。