蔡瀾越南粉 (已結業)

Lunch hour 系中环揾食，一般都要过百。咁啱去到蔡澜越南粉，原来佢嘅普通面食平均大约七、八十蚊(另设加一)，不过佢就冇嘢饮跟餐。餐厅分为两层，两层都有座位，而下层包括开放式厨房，可以一眼望晒厨房(但COVID19关系,我怕佢嘅卫生)。入座后，店员会俾一杯细细杯嘅罗汉果水你，有淡淡嘅罗汉果，不过唔系人人都钟意😂。生牛肉汤河粉 $88 (加一)汤河上布满芫茜，芫茜下面就系生牛肉，牛肉上台时仍然带啲粉红色，几靓。生牛肉片切成薄片，唔会因太厚而变韧身; 另外，被热汤浸一浸后就变色，证明汤底够热。汤底应该牛肉熬制，味道鲜甜，唔会过咸。河粉系正常味道，唔会话煮到一patpat咁。不过，最好嘅系佢可以任加河粉(一小碗为一份)😂，岩哂大食嘅朋友，唔使怕食唔饱。 除此以外，汤河会配上一杯芽菜，但由于芽菜冇被汤浸过，而我本身唔太钟意食生芽菜味，我自己就唔加晒成杯芽菜。基本嚟讲，当佢系间普通嘅越南粉面舖，呢个价钱系中环都算中规中矩，但就唔好话期望太高？!我觉得佢整体ok嘅同个汤底鲜甜，而其他配菜就一般(试过牛丸)。