相馬日式火鍋 (已結業)

相马不知不觉间越开越多分店，成日行过路过都冇机会入去试，今次开到嚟屋企附近，终于可以试吓牛涮涡以外嘅火锅放题。店舖入面都几多位，主要以梳化为主坐得好舒服。🔅蕃茄汤底：酸酸甜甜咁 开胃之选，为阵间又食炸物又食串烧又打边炉做好准备。入面都已经配备左几多番茄丁，另外再嗌蔬菜配料嘅话可以唔使再嗌蕃茄。私心隐藏食法系 嗌薯仔自己熬制一个蕃茄薯仔汤，劲好味 一定要试吓！🔅肉肉：打边炉唔少得嘅一定系疯狂下肉，呢度嘅牛肩胛、肥牛、鸡肉、猪肉…全部都系仼食。当中比较出色嘅一定系美国特选牛肩胛，放题都食到牛味香浓嘅quality 值得表扬！