影片
更多
2022-07-20
265 浏览
好多人都话肥仔米线好出名，所以今日专程去试吓。星期六嘅中午一点半，店内仍然full house，店外排队等堂食同等外卖嘅人依然不绝。始终因为系小店，座位有限，所以喺门外排队等咗大半个钟先可以入座。虽然餐厅出名，但价钱合理够平民，欣赏！一于试吓肥仔推介嘅猪软骨，猪软骨够淋，够入味，份量又刚好，所以都值得推介！至于食酸辣米线好多都都会点腩肉，肥仔嘅腩肉唔系谭仔嘅五花腩片，反而系似猪肉片，份量还好但有啲干同鞋，所以唔太推介。2碗米线只点一个𩠌就系因为想试吓佢嘅酥炸排骨。即叫即炸，需时至少15-20分钟！热焫焫上碟，排骨所用嘅脆浆好特别，但嫌佢太大件，如果可以细件少少会较方便进食。而且排骨炸到根本睇唔到边度系肉，边度系肥膏，边度系骨，所以整体感觉一般，无想像中出色。总括成餐肥仔米线，老实说肥仔酸辣米线嘅汤底系偏甜，即使只点小辣，酸味不足，反而食到好甜，所以有啲失望。加上可能点错𩠌(?)，觉得佢啲𩠌唔算出色，炸排骨亦太大旧又唔多用。所以如果想食米线，应该唔会再返嚟排队食。(满分为🤤x5)好味指数: 🤤🤤抵食指数: 🤤🤤🤤回头指数: 🤤🤤
虽然餐厅出名，但价钱合理够平民，欣赏！
猪软骨
15 浏览
0 赞好
0 留言
一于试吓肥仔推介嘅猪软骨，猪软骨够淋，够入味，份量又刚好，所以都值得推介！
腩肉
18 浏览
0 赞好
0 留言
至于食酸辣米线好多都都会点腩肉，肥仔嘅腩肉唔系谭仔嘅五花腩片，反而系似猪肉片，份量还好但有啲干同鞋，所以唔太推介。
炸排骨
17 浏览
0 赞好
0 留言
总括成餐肥仔米线，老实说肥仔酸辣米线嘅汤底系偏甜，即使只点小辣，酸味不足，反而食到好甜，所以有啲失望。加上可能点错𩠌(?)，觉得佢啲𩠌唔算出色，炸排骨亦太大旧又唔多用。所以如果想食米线，应该唔会再返嚟排队食。
(满分为🤤x5)
好味指数: 🤤🤤
抵食指数: 🤤🤤🤤
回头指数: 🤤🤤
张贴
