越港正宗越南湯粉 (已結業)

琴日下午去湾仔做完嘢，见到有间新餐厅，入去试吓，估唔到有惊喜。见主打系「蕃茄虾汤蒙」，谂住试吓，点知老板话午市已经卖晒蒙粉！有啲失望，于是就咁叫咗个鸡翼河粉。下午茶餐嚟讲，河粉份量好够。本身冇谂过系炸鸡翼，因为平时我麻麻哋食炸嘢。嚟到先知，仲担心会好干，点知鸡肉好入味多汁，表皮都唔会话炸到好干/过油。不过比起鸡翼，最欣赏系汤底👍🏻👍🏻👍🏻食晒成碗河粉都唔会口渴，睇餐牌先知啲汤系用新鲜牛骨淆嘅，同味精汤真系好大对比。特别叫咗杯越南咖啡，几香，值得一试。员工态度亲切，服务都唔错，应该会再帮衬。