蝦麵店 (荃新天地) (已結業)

耐不耐就会黎虾面店食，因为佢个喇沙汤底真系好好味，就算系商场入面价钱都仲好贴地，值得支持啦。是日星期六，下午茶时段黎到系满座嘅，得返bar枱。其实呢个位有柜桶可以摆野，又对住窗口，我觉得几好坐㖞。朋友点左辣味虾汤虾肉肉骨檬粉，上枱时都几香，有阵阵虾味。汤底好鲜味，微微辣几好，好容易入口。自己点左咖哩叻沙汤墨鱼丸鱼片掺掺，正呀有豆卜，吸哂啲汤汁超好味。汤底浓郁鲜味，同样只是微微辣，好好饮呀～面底要了掺掺，钟意佢米粉加油面双重口感。点了一份马拉鸡拼盘，有鸡翼同鸡肉串。鸡翼炸得香口，有强烈的香料味，落少少青柠汁劲好味噃试。鸡肉串上面加了沙嗲酱，香浓花生味又系劲正，仲有粒粒花生碎添呀，好味好味。仲叫左虾面店特制亚参脆多士，多士超脆，酸酸的好味。最后嘅摩摩喳喳，呢个好好味，次次黎都叫，芋头糖水加芋头粒蕃薯粒同香蕉，又香又甜又滑，哈哈，自私食晒一碗。饮茶叫左冻槟城焦糖咖啡＆亚参冰茶，望落两样差不多样，右边系咖啡，左边系冰茶。咖啡几香㖞，焦糖甜甜的。冰茶同多士一样都系呢个酸味，罗望子酸味，冰冰凉凉几好饮。朋友话个汤底好好味，饮哂～个喇沙汤都好好味㗎，不过太饱饮唔哂咋，哈哈。