影片
更多
2023-03-16
45 浏览
今晚黎到尖沙咀揾食，朋友系呢头返工，就推荐左*渌烚年代*，原来呢度系朋友同佢同事经常lunch time黎开餐😆，蒸饭加埋炖汤都系$78，而家好多人屋企都系*无饭家庭*😆，黎呢度食饭就可以饮番个炖汤滋润下😆。做私房菜餐馆一般地方都唔会好大，不过胜在枱与枱间距都几阔落，坐得好舒服，而且仲有两间厢房，一班人黎聚会都好有私隐度。先点一个滋补汤底，川贝百合炖螺片汤，川贝有清热润肺，化痰止咳；螺片有滋阴补肾功效，呢个汤底最岩我平日经常挨夜会好噪热饮用，个汤入口好清润，慢慢会有川贝嘅回甘；螺片嘅份量都唔小，的确好足料👍🏻。每人饮左两碗靓汤，急不及待order左几款火锅食材：🥢安格斯牛肉（小份）都几大碟，牛肉肥瘦分怖均匀，有咬口之余，越𡁻越有牛味，尤其有油花部分，𡁻落更加甘香。🥟蟹皇饺 ，好结实足料，啖啖蟹胶，口感充实；🥟养颜桃胶饺，听个名都好养颜，岩晒我😋，咬开真系有好多桃胶系入边，真材实料👍🏻。🥢活海虾，鲜甜爽弹；🥢新鲜鹅肠，真系放落汤渌几下就得架啦，非常爽口；🥢鲜粉肠，真心一赞洗得好干净，原全唔会有up 味，入口软滑，内部的粉状饱满，味道甘香。🥢水鱿/牛栢叶，呢两款都属厚切，原全满足口感，水鱿
做私房菜餐馆一般地方都唔会好大，不过胜在枱与枱间距都几阔落，坐得好舒服，而且仲有两间厢房，一班人黎聚会都好有私隐度。
先点一个滋补汤底，川贝百合炖螺片汤，川贝有清热润肺，化痰止咳；螺片有滋阴补肾功效，呢个汤底最岩我平日经常挨夜会好噪热饮用，个汤入口好清润，慢慢会有川贝嘅回甘；螺片嘅份量都唔小，的确好足料👍🏻。
每人饮左两碗靓汤，急不及待order左几款火锅食材：
🥢安格斯牛肉（小份）都几大碟，牛肉肥瘦分怖均匀，有咬口之余，越𡁻越有牛味，尤其有油花部分，𡁻落更加甘香。
🥟蟹皇饺 ，好结实足料，啖啖蟹胶，口感充实；
🥟养颜桃胶饺，听个名都好养颜，岩晒我😋，咬开真系有好多桃胶系入边，真材实料👍🏻。
🥢活海虾，鲜甜爽弹；
🥢新鲜鹅肠，真系放落汤渌几下就得架啦，非常爽口；
🥢鲜粉肠，真心一赞洗得好干净，原全唔会有up 味，入口软滑，内部的粉状饱满，味道甘香。
🥢水鱿/牛栢叶，呢两款都属厚切，原全满足口感，水鱿只须系汤入边渌几渌，就卷成一圈，蘸点辣椒豉油食用一流👍🏻；牛栢叶渌嘅时间都唔好大耐，入口就会好爽脆。
🥢日本黑豚肉，斋睇个样好似有啲肥溜，但经高温靓汤煮熟之后，油脂部分消失晒，入口甘香，一啲肥溜感觉都冇。
🥢莴笋，好新鲜，渌完索左汤汁，更加鲜甜。
张贴
