老鍋台式火鍋 (已結業)

今日忽然好想食火锅, 而且谂起有朋友介绍过依间店, 所以就约咗朋友收工黎试一试啦首先餐厅装潢好有风格, 而且座位嘅空间好大, 令人坐得好舒服。我地就叫咗麻辣拼美人锅。另外仲叫咗一品花雕醉鸡件$88, 鲜炸向铃$68, 有机秋葵$48, 台湾莴荀$48, 厚切日本山药$68, 莲藕片$48, 皇室鱼肚$88, 松叶蟹棒$58, 宽粉条$48。首先个汤锅一上枱已经好香, 同埋可以睇到真系好足料, 美人锅入面有好大只乌鸡, 玉米, 菇等等汤料, 而麻辣锅都有好多千层冻豆腐。职员好礼贴地提议我地可以等个汤煮多一阵再饮, 值得一赞。 同埋个汤都好浓郁, 未开始食已经饮咗一碗。麻辣锅就叫咗中辣, 唔会太辣, 岩晒想食辣又唔系好食得辣嘅朋友。近门口位置就有啲调味料可以自己调味, 值得一赞嘅系佢有蒜泥汁, 岩晒我依啲中意食蒜嘅人。各样蔬菜都好新鲜, 特别系台湾莴荀 甜得黎爽口, 唔错 ! 厚切日本山药同莲藕, 口感好好松叶蟹棒 - 蟹棒又系我次次食火锅都会叫嘅配料, 但系依间嘅蟹棒质素真系几好, 煮得耐都唔会煮到散晒。一品花雕醉鸡件份量真系好多, 而且鸡身好滑鲜炸向铃 - 真系岩岩炸好, 热辣辣咁。