鮮蒲 (已結業)

已经黎左好几次，每次都保持水准！呢度主打锡纸贝壳粉丝同津市牛肉粉。因为太钟意贝壳粉丝既汤底，所以到依家仲未有机会试牛肉粉😋汤底分别有原味，麻辣同清香辣。个人最欣赏清香辣，非常惹味！但由于太辣既关系，今次都系食返原味，原味系带一点点微辣💁🏻‍♀️我转左要沙河粉，面质较硬，食落唔够软稔，个人认为粉丝同汤底较为搭配。汤底好鲜甜~停唔到口。沙白份量都几多，粒粒都好饱满好鲜甜💁🏻‍♀️另外我好推荐冻鸡翼，好辣而且酒味浓郁。