湯火功夫麻辣燙 (已結業)

汤火功夫麻辣烫，既吾系饮汤，又吾系食火㶽，其实系食特色麻辣粉面。店舖装修清新简洁，我地黎得早，十二点几就到，十二点半后要排队啦！我地叫左一个蕃茄汤底麻辣烫米线，配上莴笋，莲藕片，烟鸭胸。汤底有香浓既真蕃茄味，吾似茶餐厅果D特浓蕃茄生粉水。莴笋同莲藕片清鲜爽口。另一个系泰式冬阴公麻辣烫配薯粉，另加海带，唐生菜，墨鱼丸。冬阴公汤底带酸辣，仲有莞茜同青柠，而且仲加只大虾，认真抵食。海带系打左结，就无咁容易煮淋。酸梅汁吾会太甜，几好饮。汤底辣度多种选择，吾辣都得。每人埋单都吾使$60，抵食过鱼蛋粉面。