醉胡爐 (已搬遷) 新店位置

而家无论春夏秋冬都可以打边炉, 最紧要环境舒服, 空调充足。醉胡炉位于佐敦道和尖沙咀之间, 地方虽然有啲隔涉, 但胜在店舖阔落又环境高雅, 打起边炉都特别舒服。打边炉重点系要汤底靓和优质食材, 今晚点了胡椒花胶猪肚鸡锅, 汤底真系鲜美又惹味, 厚厚花胶加上鲜嫩滑鸡, 还有腍滑嘅猪肚, 胡椒辣度啱啱好, 咁好饮嘅汤当然要饮多两碗。食火锅少不了牛肉, 肉丸和蔬菜, 安格斯肥牛是我嘅喜好, 牛肉油脂分布均匀, 牛味浓厚, 入口松化嫩滑, 优质嘅牛肉确实令人回味。我虽然唔系太喜欢食肉丸, 但是这个肉丸拼盘相当唔错, 几款嘅手打肉丸都相当弹牙。呢度嘅云吞水饺非常大只, 用料丰富, 虾肉新鲜爽脆, 真正系皮薄馅靓。日式和风蕃茄沙律清新美味, 片装蕃茄新鲜清甜, 配以酸醋汁和青绿香葱, 酸中带甜, 相当醒胃。