船皇 (謝斐道) (已結業)

同事推介，Lunchtime就去咗铜锣湾食船皇。汤底绝对系个精粹所在 好浓郁 🤤🤤 面底有几款唔同嘅选择，我试咗河粉，系好宽大嘅一条条，亦都好滑。有同事叫咗金边粉味道都不错。而叫咗蛋面嘅同事就话唔单只弹牙，份量亦都好多，睇嚟下次我都应该叫蛋面。猪皮亦都好脆，浸落汤食或者就咁当小食都好好味。有同事叫咗和牛船面，只系加一蚊，佢哋对和牛赞不绝口，下次再嚟一定要加。饮品方面我叫咗热奶茶，其他人就叫咗冻奶茶、水果茶、龙眼冰，冻饮会用一个金属碗装，可以保持到个温度冰凉而又唔会沟淡，个金属碗都几特色，又有泰国嘅味道，下次一于唔好咁养生饮下冻饮😂