茶茶台式料理 (已結業)

约姊妹收工黎十下十下，呢到装修以白砖为主，有文青小清新嘅感觉。服务都唔错，会主动加汤熄火执野，仲会比你慢慢坐。汤底浓郁，食材新鲜。今次两人各自叫左一个锅加面配饮品同一个小食，加一服务费后，每人平均$175。沙茶牛肉锅 $108个锅都有几多料下，有娃娃菜，有几磈牛肉，两粒牛丸，粟米，金茹 ...... ，而个汤做得几好，沙茶味好浓好出。药膳豚肉锅 $108一样料多款多，但呢个就转左猪肉，个汤药膳味好重，好明显有阵陈嘅枸杞味道，饮落好舒服，清清地唔会觉得好热气。芝士金凤茶王 $32呢个芝士做得几好，唔会好咸，好香茶味，饮落唔苦涩。芝士茶茶八号 $34同上面差唔多，茶味再浓啲。酥炸花枝墨鱼丸 $36有六粒，唔油腻，仲好弹口，配埋泰式辣酱好好味。