影片
更多
2018-01-11
204 浏览
好耐都冇去打边炉，大少放假可以出去食好嘢。之前个朋友仔已经推介过呢间火锅好多次，佢食咗4，5次我都未去过，今日终于有机会去喇！平时好怕啲火锅店好迫，地方痴立立，呢间火锅店超宽敞，仲好干净，超正！餐牌选择好多，最后我地都系叫套餐，两个人可以食多啲款，佢地有呢个套餐真系好方便我地呢啲两丁友打边炉！一见到有美人锅，谂都唔洗谂啦，另外大少就要麻辣，个锅一上，我真系忍唔住“哗”咗一声，个汤底超足料呀！入面有半只乌鸡，有桃胶，仲有好多菇类，食个汤底都饱啦！我忍唔住饮咗好多汤同埋我地加钱叫咗封门牛，侍应介绍话牛肉味浓啲，真系值得加钱一试！另外个黑松露豚肉饺子都好好食，黑松露好重，好香。海鲜都好新鲜！朋友仔果然冇介绍错！总结：环境舒适干净，汤底足料超值，食物质素高！
之前个朋友仔已经推介过呢间火锅好多次，佢食咗4，5次我都未去过，今日终于有机会去喇！
平时好怕啲火锅店好迫，地方痴立立，呢间火锅店超宽敞，仲好干净，超正！
餐牌选择好多，最后我地都系叫套餐，两个人可以食多啲款，佢地有呢个套餐真系好方便我地呢啲两丁友打边炉！
一见到有美人锅，谂都唔洗谂啦，另外大少就要麻辣，个锅一上，我真系忍唔住“哗”咗一声，个汤底超足料呀！入面有半只乌鸡，有桃胶，仲有好多菇类，食个汤底都饱啦！我忍唔住饮咗好多汤
同埋我地加钱叫咗封门牛，侍应介绍话牛肉味浓啲，真系值得加钱一试！
另外个黑松露豚肉饺子都好好食，黑松露好重，好香。海鲜都好新鲜！
朋友仔果然冇介绍错！
总结：环境舒适干净，汤底足料超值，食物质素高！
张贴
