俺流塩らーめん (新都會廣場)

营业中

休息中

行完葵广，唔想食小食做晚餐，就黎左隔离个商场揾野食。见到呢间拉面店咁开扬系两条电梯中间，价钱唔算好贵，就决定试一试。虽然都打蛇饼，但好似排左十零分钟到就入到了。枱上放左三罐酱料，分别系柚子胡椒、黑蒜蓉同梅子觉得柚子胡椒系最值得试，因为真系几特别，食落系胡椒嘅微辣，同时带有柚子香气。建议试呢个酱可以放少少系个匙羹上面，再一边食面，每次食面舀起嘅面条同汤底都会沾到少少酱料，咁就可以试清楚佢嘅味道。如果唔系落哂成罐酱料都未必试到有分别。俺流熟成浓汤拉面 $58熟成汤 – 用压力煲快速煲煮猪骨、鸡壳等熬成汤底的确好浓郁，但真系好咸，咸到饮左五、六杯水，返到屋企都系咁继续饮。拉面配料较少，虽然知道价钱唔算贵，都唔能够要求太多嘅，笋非常好食，建议加！唔好蚀底玉子 $10卖相几吸引嘅溏心蛋，软硬适中，蛋冇特别调味，所以都系正正常常咁嘅味道。叉烧一片 $13块叉烧系冻嘅，难道系当冷盘？🤔厚薄算适中，唔算好硬，但食落真系普普通通，唔算好特别。觉得13蚊一块叉烧有少少贵，因为根本食唔出有特别方式烹调。