陸記正宗桂林米粉

营业中

休息中

睇完金刚、小仪既饮食节目，就去试吓呢间好多好评既桂林米粉，由于系闲日下午，店内人流不多，2人可坐4人枱，不过椅子无靠背，坐得不太舒服!下午茶很多选择，只是$25就可有一碗米粉配饮品/甜品，好平呀!妈妈叫了红烧排骨米粉，而我则叫了蒜香猪扒米粉，先送上蒜香猪扒米粉，碗粉好大碗，桂林米粉系粗身的，好似米线咁滑滑的，如果唔讲系桂林米粉，我以为系米线来的，至于配料，有很多我最爱吃的炸花生，大大粒又饱满，而且猪扒系即炸的，热辣辣又大大块，很美味呀!不过缺点系汤底好咸，好似落左好多味精咁，食完碗粉会好想饮水既!至于我妈既红烧排骨米粉，我试食左一旧，觉得好大旧骨呀，骨比肉更多，而且D肉都几韧下，都系猪扒好食D~至于水晶凉粉，同碗粉同时间送嚟，所以我食既时候已经唔够冻，配上花奶的凉粉其实就系D透明无味道既啫喱，要靠花奶吊味，不过呢个甜品我个人就唔钟意食，试一次就无妨既，难怪周遭既食客(应该系常客) 都系配餐饮的，只有我俩选甜品呀!这间店一试无妨呀，不过怕食咸又怕味精的朋友，要有心理准备呀!