Ben哥米線

营业中

休息中

今日去咗观塘鸿图道78号1楼既ben 哥米线食野。因为呢度有我一直想食嘅台湾鸭血。佢呢度点餐好似叫车仔面一样，都系自己写纸仔拣食咩汤咩面咩𩠌。药膳麻辣汤米线：叫咗小辣，佢嘅麻辣烫都几正宗，配上鸭血非常之夹。佢嘅鸭血同平时打边炉嘅差唔多，口感几好，好似午餐肉咁大件，下次再嚟都会再叫。另外叫咗花枝卷同猪软骨，个花枝卷有惊喜，口感扎实。猪软骨都唔错，合格有余。蕃茄酸辣汤米线：试咗佢嘅五谷米线，味道上觉得同普通嘅冇乜分别，不过视觉上觉得都几得意。个汤除咗有平时嘅蕃茄味仲多咗一份酸辣，食得几过瘾。鸡肉系一块块 算几大块 食落比谭仔好味麻辣墨鱼头：呢一个原来系冷盘嚟嘅，墨鱼头好爽口，配上麻辣嘅味道，都几唔错。