順。越南牛肉粉

营业中

休息中

今日系中环做完facial之后觉得有少少饿，就同朋友去中环街市睇下有咩野食医下肚，见到呢间有鱼皮食，好耐无食就坐低。会安扎肉鸡丝汤河鸡丝入口唔鞋，扎肉咬落有口感带有少少黑椒味，河粉幼滑，汤底好鲜甜，饮完都唔觉口干。越南炸春卷炸到香脆可口，馅料都几多，咬落多汁。酸辣凤爪凤爪爽口弹牙，夏天食不错，味道酸甜开胃，辣辣地几好惹味。古法鱼皮满满骨胶原，鱼皮入口脆卜卜，口感烟韧，加上香葱，辣椒丝，花生碎口感丰富。