湯品小棧 (已結業)

今日黎奥海城呢边, 大商场无咩野食拣, 谂到去大角咀揾食, 之前收藏左汤品小栈好耐, 系米芝莲推介街头小食, 因为钟意饮汤又钟意帮衬小店就试下。入到黎店员几热情介绍有咩食, 午巿餐每人约$60有汤有粉有𩠌有饮品, 又唔贵。叫左虫草花汤同玛卡汤, 玛卡汤系秘鲁人参, 而家好似好兴, 汤味有D甘, 虫草花就菇菌香味, 不过两者味道都颇清淡, 应该无落盐, 单饮问题都不大, 但如果要捞米粉/面食, 就真系太淡了, 自己煲既汤都浓过佢。𩠌叫左黄牛肝酱焖牛尾, 鸡翼, 萝卜, 另一份系茄汤猪软骨, 卤蛋, 卤豆干, 份量比想像少, 但系好处系够味, 同无味既粉食可以平衡到。牛尾好淋, 萝卜有少少姜味, 鸡翼好滑。猪软骨有部分有少少鞋口。我地黎果时未准备好杏仁山药饮, 无得试, 叫左罗汉果雪梨茶, 罗汉果味盖过雪梨茶味, 苹果山楂蜜枣茶都系, 只饮到山楂味。