品越越式料理 (康怡廣場北座)

营业中

休息中

同男朋友喺康怡睇完戏，跟住拣咗呢间越南餐厅食个晚饭。佢有个特惠二人餐，不过因为太夜唔想食咁多，所以净系叫咗个小食同埋一碗粉就算。小食方面，我地叫左个法式牛油鸡翼，虽然卖相金黄，但炸粉太厚，食落啖啖都系粉，完全盖过鸡翼嘅味道。另外，我地再叫左个猪扒汤檬，猪扒份量足够，煎得金黄，香脆可口。必须一赞系个汤底，鸡汤底，超清甜香浓，唔多味精，即使我饮晒成个汤底都唔会口喝，超正! 再加埋少少清柠汁，令味道更上一层楼，如果钟意食辣嘅你，不妨加少少辣椒调下味。