影片
更多
2017-06-26
563 浏览
某一日，赖生同屈小姐经过上环去做例行巡查，巡查一下上环区有咩野食，居然比我地见到一个好熟悉既招牌 - 《汤品》。我地即时揾揾Openrice 睇下系咪同大角咀同一间⋯⋯点知真系分店黎！即时引起左我地既注意，Bookmark左！终于系今日系耶和华既帮助下，我地可以提早完成早上要处理既事，可以第一时间黎呢度叹番个Lunch啦！从外面睇，间舖头好似好细间咁，得2-3张枱。其实仲有楼上舖，不过今日Lunch冇开，我地就坐下面，餐厅就用木枱同冇靠背既木櫈，而因为新装修，所以都好光猛同企理，冷气都好够，慢慢叹个Lunch都未尝不可点解我地选择系Lunch黎呢？因为《汤品》有Lunch menu，可以用平D既价钱试到多种类既野，至岩贪心既我地！不过汤品推出左新既菜色⋯⋯唔知转变是好是坏呢？暂且今次由我地饮食情侣小先锋试下先《汤品》主打汤水，所以基本上佢希望你拣汤先，如果你唔拣汤既话，散叫野食是需要额外加钱嫁，所以呢度既组合通常系 先拣汤，拣配饭/面同饮品 ，再拣加唔加𩠌。首先介绍一下屈小姐之选先：1）玛卡汤拼蕃茄浓汤组合配新竹米粉加黄牛肝菌酱：4⭐️既然主打系汤，一定要由汤讲起先 ⋯⋯A) 玛卡汤：4
从外面睇，间舖头好似好细间咁，得2-3张枱。其实仲有楼上舖，不过今日Lunch冇开，我地就坐下面，餐厅就用木枱同冇靠背既木櫈，而因为新装修，所以都好光猛同企理，冷气都好够，慢慢叹个Lunch都未尝不可
点解我地选择系Lunch黎呢？因为《汤品》有Lunch menu，可以用平D既价钱试到多种类既野，至岩贪心既我地！不过汤品推出左新既菜色⋯⋯唔知转变是好是坏呢？暂且今次由我地饮食情侣小先锋试下先
《汤品》主打汤水，所以基本上佢希望你拣汤先，如果你唔拣汤既话，散叫野食是需要额外加钱嫁，所以呢度既组合通常系 先拣汤，拣配饭/面同饮品 ，再拣加唔加𩠌。
首先介绍一下屈小姐之选先：
玛卡汤拼蕃茄浓汤配新竹米粉加黄牛肝菌酱
$79
29 浏览
0 赞好
0 留言
既然主打系汤，一定要由汤讲起先 ⋯⋯
A) 玛卡汤：4⭐️ 入面有红萝卜丝、木耳丝、粟米，玛卡片同肉。味道就不过不失，饮得出唔系一般出街食既例汤，系新鲜煲起既汤，其实同屋企煲既汤冇太大分别，只系难得外面会有一间专注为大家既健康而煲汤既一间舖头，暖入心窝！但单纯论味道的话，不过不失啦！
B) 新竹米粉（加$5）：4.5⭐️ 条条都好幼！弹牙，超索汤！跟番舖头既建议食法，将1小注米粉配一啖汤食，尽吸汤水既味道！当然⋯如果你有额外叫酱的话，不妨落酱落少少酱整番个捞米粉，又是另一番风味！
C) 蕃茄浓汤猪软骨：4.5⭐️ 重点所在！猪软骨已经炆到淋晒，软骨啫喱化，微微既蕃茄味炆入左猪软骨入面，仲将猪肉鲜味成功带出！好出色既一道菜
D) 卤水豆腐：4⭐️！豆腐入晒味，够实净！卤得唔错，处理得几好！
E) 玫瑰露鸡翼：3⭐️！⋯都系炆得好淋，一咬就好容易骨肉分离，只可惜食唔出玫瑰露既香味同味道，好似比卤水豆腐既卤水味遮盖晒
F) 时菜：3⭐️！份量多番几条会更佳
G) 杞子黑糖茶：4⭐️！冻饮黎，加入菊花令整杯饮品多份清香，而且黑糖杞子令杯野甜甜地，系容易入口既甜，甜度适中，热辣辣既天气饮一杯真系乜火都下晒！
跟住黎到赖生之选：
松茸清汤拼焖烧牛尾配盐水面加黑虎掌菌酱
$92
32 浏览
0 赞好
0 留言
A) 松茸清汤：3⭐️！汤料就有木耳丝、红萝卜丝、粟米、松茸片，金华火腿同鸡肉。虽然有落鸡肉，松茸同金华火腿，但个汤系比较清既，好清澈，你会见到有晒咩料，但味道亦相对较清淡，唔系好饮得出松茸味，不过都算有煲汤水饮下，有时食清淡D，亦几好既
B) 盐水面：4.5⭐️！比较幼身既面，口感细腻，挂汁一流，假若用汤面方式进食，略为可惜，故此赖生加入少许清汤，拌以香辣浓味（净食会过咸）既黑虎掌菌酱，简单但令重口味人士欲罢不能！
C) 黄牛肝菌酱焖牛尾：5⭐️！重点中之重点! 成旧牛尾淋晒，骨肉分离，黄牛肝菌既味道围绕于牛尾表面，牛肉味又好出，仲有连骨髓既精华都逼左出黎，系每旧骨中间形成胶状物既啫喱，一吸就吸晒，好出色呀
D) 萝卜：3.5⭐️！超清甜，炆得淋，但好可惜系劲多渣，一入口成口都系，好大影响⋯
E) 秘制卤排骨：4⭐️！都炆得淋同入味既，但肉就略微鞋左D，同埋多骨左D！
黄牛肝菌酱
$10
10 浏览
0 赞好
0 留言
味道唔错！好香！似台湾肉燥既质感，但冇左台湾肉燥既甜味，反而多份咸味！单食同捞饭/面都好滋味！
黑虎掌菌酱
$16
17 浏览
0 赞好
0 留言
太咸，劲咸，一入口豆瓣味超劲⋯单食真系太咸接受唔到，不过拎黎捞面就好好多，加番D汤沟番淡佢，就试到佢其实几辣下！捞埋就好正！不过初初食个咸字真系遮晒所有野
其实，以前既汤品小栈总店我地食过1次，系屈小姐专登带赖生入大角咀KO呢间on list好耐既野食，果阵我地叫到成枱野，味道系好惊艳嫁！特别系佢个香菇肉酱同素肉酱，2款酱都好出色，菇味浓郁！可惜转左新menu就好似不及当年勇 (定系分店既问题？)！
同埋系加价之后，索价真系有点高，不过始终健康无价，系要比钱买健康嫁啦！我地间中都应该会再黎下！希望佢食物可以有改善，再一次惊艳我地啦
#感谢耶和华垂听我们的祈求
#展露满足既笑容
#落大雨都周街去
#大雨也挡不住食好西既欲望
#RmbToSmileAlways
张贴
