同心泰國菜館 (已結業)

前几晚响隆姐吃了一碗未够顶瘾嘅猪杂粉，心有不甘，决定再试多几间。之前路经同心门口，突然被佢阵汤头味吸引住，再上OP睇到汤粉卖相，一于去试下。佢开好早，九点。啱晒我，慢慢食完先返工。店裹面都系大路泰国食店格局，电视播泰文节目，店员一律泰国人，工作节奏唔会太急、唔少得有泰皇挂像、泰国佛……香料味……外头有阳光，衬得窒内少少暗，几有曼谷FEEL。一早销定牛肉汤粉，个汤，味觉复杂、甜，够热又洒上满满香菜、芽菜、䓤段，香到无比，我再学当地人加D鱼露、指天椒、少少糖、炸蒜…………点有可能输吖呢碗汤粉？！牛肉都好鲜甜肉地好嫩滑，无乜渣。件萝卜都卤到入晒味又清甜，一大碗份量好够饱n架、宜家一路写个肚一路打鼓，埋单$42（pm6:00)前，真系九十九分，个人认为比隆姐、昌发都做得更好！