阿堂魚湯 (已結業)

朋友在大角咀附近做嘢，选了一间近太子站的食店「阿堂鱼汤」，环境干净唔错。间铺招牌菜系鱼汤乌冬，见到鱼汤饭menu 都几吸引，价钱又大众化，食物份量都唔少，百几蚊一位唔算贵，值得一试。首先嚟几个小食，第一就系蒜片牛柳，个份量都够大，牛粒又好嫩，非常之有牛味，又有蒜香味，还好有沙律菜搭配。鳕鱼鱼腐，味道唔错，有鱼嘅鲜甜，够弹牙，外表香脆，内里嘅肉又好嫩口，好好食。炸一口番薯，热气腾腾，又啱啱炸出来嘅番薯，香脆味甜，一口一粒，几好食，番薯肉食落去又冇筋，好滑，值得一试。主食，烟三文鱼汤汤饭，鱼汤味浓郁，超香浓！真材实料，系夏天食汤饭不失为一个好嘅选择。杂菇肥牛鱼汤乌冬，料足，乌冬又超爽滑，食落去都几好食嘅。两个主食再加小食，足够三个人的份量。