湯火功夫麻辣燙 (已結業)

汤火功夫，我起初仲以为系卖汤，原来系麻辣面食店。今日开幕，门口有好多花牌哩～我同妈都好钟意食麻辣，但爸就食唔到辣，搞到我地无得食⋯咁岩今晚得我同妈食；又咁岩我今日约做Facial既地方正正就系楼上，做完Facial就黎食 汤火功夫！$37 可选二款素菜+一款荤。而面类达8款之多， 我拣左经典麻辣拌 油墨菜 木耳 炸枝竹 配油面；而妈就要左招牌麻辣烫。唔知系咪新营业，等食觉得有d耐⋯我碗麻辣拌面黎啦～卖相唔错，我点左小麻辣，睇落唔辣但食落都几辣，哈哈！感觉就系细碗版既麻辣香锅！味道都几好，面唔会太淋或过硬，拌面又唔会过干或太湿，系小麻辣都几辣咁者，不过唔辣又唔惹味㖞！食麻辣点少得酸梅汁，好好饮，少少一啖即解辣！加上而家天气咁鬼热，饮酸梅汁即时透心凉啦～妈果碗系有汤，同样拣左小麻辣但饮落口觉得无拌面咁辣⋯ 鱼腐豆卜配薯粉，妈吃得滋味！若嫌唔够辣可自行添加麻辣油及辣椒油；或者加醋解辣亦可！