泰好食 (已搬遷) 新店位置

次次去都会食佢d汤粉，$22有一个𩠌，可以选米粉、河粉、金边粉等。另外亦有三种汤底选择。三种汤底我都试过哂：清汤、椰汁鸡汤同埋冬阴功汤。清汤无咩特别，同埋都多油，唔算特别清；椰汁鸡汤好味，佢ｄ味好特别的，带少少梆味，但就有几浓烈的酸味。酸酸甜甜咁，好开胃的。至于冬阴功汤，我见好多人食，但我个人就觉得好辣，唔系好受得到，第一次食差d变左孖润肠。所以我以后都只会叫「少辣」，无谓令自己咁辛苦啦。𩠌方面，次次都叫鱼饼或猪颈肉，两种都好味，推介。提一提大家，呢度平日上班日子下午午饭时超多人的，所以我次次都一个人去，咁就易揾位ｄ。如果多个一个人咁就最好等齐人先入座，如果唔系间铺ｄ阿姐会劲唔like的。