泰妃雞 (已結業)

话说自从上个星期五食左个唔好食既海南鸡饭之后，我个朋友就话要带我去试一间佢觉得好食既海南鸡饭—泰妃鸡我睇过食评，十个有八个半都系叫呢个海南鸡饭海南鸡饭 ($54)黄油饭有淡淡鸡香味，但唔油又唔腻粒粒都系黄色，而且又唔烂鸡件满布油光，比人一种好滑身既感觉；不过实际唔系滑鸡，系比较多鸡汁、鸡味同唔韧既鸡，浸既时间岩岩好；重点系个鸡皮仍然弹牙架，唔系果间”好X沙嗲”既烂鸡皮!!不得不提下个汁，系海南鸡饭既一部分，生色不少!! 个汁少少辣、酸酸甜甜，惹味又开胃，就咁加佢都可以食哂成碟饭香茅猪扒金边粉 ($36)我本身谂住系炸猪扒靓靓放面，但原来系煎猪扒散哂系面，另外仲有少少芽菜同冬菜首先试左个汤先，有少少似牛腩汤味，但系咸左少少；后黎我夹左朋友个饭既芫茜浸落个汤度，味道好夹更正至于猪扒，香茅味就食唔出啦，不过就一D都唔韧，又无雪藏味，ok啦金边粉唔会煮得太烂，而且份量都唔少，满满一碗!! 总结，我同朋友都觉得个粉好食过个饭，睇黎下次有食粉面既新选择；至于最好食既海南鸡饭，睇黎仍要继续搜寻下先得。