雷拉麵 (已結業)

今日一早就出左去做野，最后一站黎到旺角做完野当然系呢头食埋野先走喇。穿过左啲街边档，见到旁边有好多小店，我最后拣左呢间拉面店。入到去，啲装修比我既感觉好似上左渔船咁，好Raw，好似好简单咁，但明显会睇得出店主系度花过心思。好~叫野食！呢度系只有4款面，啱晒我呢啲有选择障碍既人，哈哈哈哈，但系我错了，原来佢每样材料都会问你preference，所以到最后我都拣左好耐先拣好自己食咩～我叫左…黎喇黎喇~ 饿左成日，终于都可以坐低食野。睇落已经觉得好okay，第一啖试下个汤，够晒热辣辣，好味！浓郁猪骨汤，又唔会太"杰"太肥腻，加分！再黎拉面，都唔差，面质几好，虽然系自己拣冇咩大惊喜，但系我觉得有得自己选面质都几贴心几好，好过出面有啲店个面质太硬，食到我胃痛。叉烧呢度几好，唔太dry，我好怕食日式个啲叉烧，好干好硬。呢度个啲好okay，唔错唔错。好味到我竟然食晒成碗，汤都饮埋，呢件事好古怪，我竟然食得晒！或者系可能我饿得济，哈哈哈哈，相信应该2样都有啲关系。下次黎要试下其他口味，见到佢有个菠菜味都几吸引。p.s.食完唔口渴既拉面，香港真系冇乜几多间。