影片
更多
2019-02-11
126 浏览
整整成煲嘅美人锅好足料，有原只乌鸡，红枣南枣，杞子淮山等等嘅药材汤底滚起咗之后我哋搅下佢，原来入面仲有好多桃胶，越食越有胶质店员提醒我哋唔好赶住落料，要先饮汤个汤饮落有好滋补嘅感觉，索哂乌鸡同金华火腿嘅精华，甜得嚟够清饺子拼盘每款饺都有两只，共12只，可以一次过试哂啲味，又满足到饺子控嘅我嘅心愿水饺入面嘅馅料大部分都系猪肉，值得一提嘅系呢度嘅水莲饺水莲系台湾引入嘅菜种，食落爽口，而且味道独特加上店舖自己嘅调味，都真系几香几惹味蛏子皇都几大只厚肉，加上本身已经好清甜嘅汤头，简直系甜上加甜，仲带一点鲜味冰菜系近年好多人都钟意食嘅菜，我和朋友都唔例外呢度嘅冰菜有大棵有细棵，同样嘅系都几多叶同埋好幼嫩食落不失冰菜嘅爽口感，而且又有好多水份爆出嚟黑毛猪片都几靓，薄切得嚟又锁住猪肉嘅味道，肉质弹牙呢度嘅甜不辣连埋红色嘅甜不辣酱汁，好有地道嘅台湾味！脆片包住入面软糯嘅馅，有啲似烟韧版嘅芋头糕，令我同朋友一试爱上午餐肉厚切炸香，几乎系好食嘅保证有啲人打边炉，实会叫午餐肉，炸好就咁食又得，渌两渌又得，得咗蔬菜拼盘都有唔少菜，仲有少量菇类，粟米同秋葵，大致都几新鲜霜降牛肉好靓，雪花均匀，肉质滑嫩不过渌嘅时
汤底滚起咗之后我哋搅下佢，原来入面仲有好多桃胶，越食越有胶质
店员提醒我哋唔好赶住落料，要先饮汤
个汤饮落有好滋补嘅感觉，索哂乌鸡同金华火腿嘅精华，甜得嚟够清
饺子拼盘每款饺都有两只，共12只，可以一次过试哂啲味，又满足到饺子控嘅我嘅心愿
水饺入面嘅馅料大部分都系猪肉，值得一提嘅系呢度嘅水莲饺
水莲系台湾引入嘅菜种，食落爽口，而且味道独特
加上店舖自己嘅调味，都真系几香几惹味
蛏子皇都几大只厚肉，加上本身已经好清甜嘅汤头，简直系甜上加甜，仲带一点鲜味
冰菜系近年好多人都钟意食嘅菜，我和朋友都唔例外
呢度嘅冰菜有大棵有细棵，同样嘅系都几多叶同埋好幼嫩
食落不失冰菜嘅爽口感，而且又有好多水份爆出嚟
黑毛猪片都几靓，薄切得嚟又锁住猪肉嘅味道，肉质弹牙
呢度嘅甜不辣连埋红色嘅甜不辣酱汁，好有地道嘅台湾味！
脆片包住入面软糯嘅馅，有啲似烟韧版嘅芋头糕，令我同朋友一试爱上
午餐肉厚切炸香，几乎系好食嘅保证
有啲人打边炉，实会叫午餐肉，炸好就咁食又得，渌两渌又得，得咗
蔬菜拼盘都有唔少菜，仲有少量菇类，粟米同秋葵，大致都几新鲜
霜降牛肉好靓，雪花均匀，肉质滑嫩
不过渌嘅时候好容易中间断开，建议用勺渌
汤丸好似系食台式火锅必点之选
芝麻汤丸落咗个汤，外皮带少少咸，入面芝麻流心估唔到都几夹
一口牛粒虽然唔系特别靓，但系煮熟咗之后真系好嫩，一啲都唔韧，渌耐咗都唔怕
从来未试过打边炉到最后，都仲饮紧个汤
佢呢度嘅特色系，就算渌哂所有配料食哂，个汤底都仲有好多嘢畀你食
而且啲汤越煲越浓但又唔会油腻，真系好襟食
张贴
