馬祖台灣養生湯麵館 (厚福街)

营业中

休息中

呢间位于TST嘅马祖台湾养生汤面馆，店铺细细，主打药膳米线，喺门口已经闻到个汤底好浓好香，好吸引呀！加上依家秋风起，开始进补就啱晒啦！食完够晒暖笠笠，好满足。卤水鸡翼可以叫有3只或5只，鸡翼大大只，肉质嫩滑，最重要系卤水汁香浓，好入味呀。M佬叫咗药膳农场醉鸡米线，好浓嘅药材香气，真系急不及待就先饮咗个汤先，真材实料，味道好香浓。米线嘅份量足，而最好味当然系个鸡件啦！鸡件渗出微微酒香，唔会好肥，但好嫩滑。桃胶有丰富嘅植物性胶原蛋白，可以补充人体胶原蛋白，甚有美颜效果，所以我就叫咗药膳桃胶农场鸡米线。桃胶份量超多，仲有红枣同杞子，所以汤底超鲜甜。最后饮埋自家制嘅白家制桂花乌龙冷泡茶，够健康又解喝。