影片
更多
2024-04-08
516 浏览
同👦🏻细细一日走三场，香港仔➡️佐敦➡️尖东，Lunch当然要揾间就脚又好味😋。柯士甸路呢间孖宝越南汤河，舖仔细细，只有大概12个座位，楼面亦只得一位叔叔。我同👦🏻叫咗碗生牛肉汤河（$65），加$35要多半份香茅炸猪扒。🍜汤河配料有香叶同洋葱，反而冇其他越南餐厅会有的芽菜。生牛肉浸一浸落碗底已经够熟，肥瘦同厚薄都刚刚好。一饮落去个汤头系比一般甜，一啖粉一啖汤好好味，我饮咗差唔多半碗都冇口渴感觉，都几肯定系真材实料冇落味精。炸猪扒冇肥膏，亦冇厚粉浆，唯一扣分系个碟有好多油，个猪扒炸起索一索油再上碟会好啲。听到叔叔同其他客讲春卷系自己包，下次有机会都想试吓。呢条街感觉好静🍃，冇乜几多人，入嚟食嘢9成都系熟客，应该系住附近街坊/附近做嘢，有个姨姨仲系日日都嚟食lunch。楼面叔叔同个个客都好好倾，好清楚啲客喜好，又会加𩠌比熟客，我第一次嚟都觉得好有人情味。可惜系… 言谈间叔叔话做到年尾就执，生意冇咁好同租贵都仲系其次，垃圾征费应该先系最大镬，根本就预计唔到个开支会大几多，估唔到第一次帮衬就话要执…😥
香港仔➡️佐敦➡️尖东，
Lunch当然要揾间就脚又好味😋。
柯士甸路呢间孖宝越南汤河，
舖仔细细，只有大概12个座位，
楼面亦只得一位叔叔。
我同👦🏻叫咗碗生牛肉汤河（$65），
加$35要多半份香茅炸猪扒。
🍜汤河配料有香叶同洋葱，
反而冇其他越南餐厅会有的芽菜。
生牛肉浸一浸落碗底已经够熟，
肥瘦同厚薄都刚刚好。
一饮落去个汤头系比一般甜，
一啖粉一啖汤好好味，
我饮咗差唔多半碗都冇口渴感觉，
都几肯定系真材实料冇落味精。
炸猪扒冇肥膏，亦冇厚粉浆，
唯一扣分系个碟有好多油，
个猪扒炸起索一索油再上碟会好啲。
听到叔叔同其他客讲春卷系自己包，
下次有机会都想试吓。
呢条街感觉好静🍃，冇乜几多人，
入嚟食嘢9成都系熟客，
应该系住附近街坊/附近做嘢，
有个姨姨仲系日日都嚟食lunch。
楼面叔叔同个个客都好好倾，
好清楚啲客喜好，又会加𩠌比熟客，
我第一次嚟都觉得好有人情味。
可惜系… 言谈间叔叔话做到年尾就执，
生意冇咁好同租贵都仲系其次，
垃圾征费应该先系最大镬，
根本就预计唔到个开支会大几多，
估唔到第一次帮衬就话要执…😥
香茅炸猪扒
$35
19 浏览
1 赞好
0 留言
张贴
