麵屋武蔵 (新鴻基中心) (已結業)

原来面屋武藏最近新出左个烧豚肉拉面，汤底系用鱼清汤同清鸡汤混合，入口味道鲜甜有层次，有鱼嘅鲜味亦有鸡嘅清甜，配料有荀干，青葱，半熟玉子，荀干应该系用芝麻油略略炒过，清甜有麻油香味，半熟玉子因为只有半只未能痛快一口咬穿玉子所以要扣分，主角烧豚肉即系猪腩肉片，腩肉片煎得好香，肉面有微微黑胡椒碎几惹味，面条系直身面，烟靭有咬口，店家家好似做紧优惠，如果点呢个烧豚肉面可以优惠价＄20蚊追加煎饺子一碟，不过我一个人怕食唔晒所以无加，总结呢碗面汤头唔错，食得过。