小雨天 (葵涌廣場)

营业中

休息中

去葵芳扫小食虽然好正，但食多几间价钱都大，所以食返超饱肚又抵食既汤饭，招牌猪软骨汤饭好受欢迎，另外被蚝仔肉碎汤饭吸引，最后真系坚饱，顶到上心口。【猪软骨汤饭】猪软骨煮至肉质松化，软骨都易咬，仲可以补补胶原，而且猪味浓，亦不会食到油腻，个猪骨汤同样重味，汤饭真系好好食。整个份量都超多，一大碗饭，仲有5-6件猪软骨，系好岩大众口味又抵食既美食。【蚝仔肉碎汤饭】蚝仔肉碎泡饭，蚝仔都算多，而且胀卜卜都干净鲜味。个汤仲好有蚝味，连埋肉碎口感丰富左，也是满满一大碗，女仔真系食唔哂，建议Share最好。【韮菜水饺】8只饺子好皮薄馅多，满到胀哂既饺子，皮滑厚薄刚好, 菜同肉比例都不错，食完唔腻，个韭菜仲好香，配醋汁食好味。