幸福川226

营业中

休息中

要去观塘见客，谂住喺附近揾定位。商场又冇位，美心集团啲餐厅仲要90分钟起身！一早都听过大部份呢区餐厅都系啲工厦入边，一般都好嘈，之前我试过同个客好似要闹交咁，都倾唔到偈，想揾间四正见客嘅其实都几难… 睇评语见呢间餐厅好多嘢拣，居然午餐有火锅！好吸引，但系呢期好多人病都系清清哋好，餐厅职员话有自家制汤饭，无味精，咁我就嗌咗个汤饭，叫醉药鸡党。一入口好惊艳！汤底清新带轻甜，捞上嚟有圆肉同杞子，鸡腌得好入味，系花雕酒味！细个阿嫲煮面会落花雕，好有feel，一入口就认到！我个客钟意食牛所以嗌咗个牛魔王，有牛肚牛筋牛柏叶仲有好多牛嘢，佢话好味好抵食！我哋每set仲有跟油菜甜品水果嘢饮，有油菜真心好开心，而家好少喺出边食到菜！成set 咁多嘢，食到饱！呢度环境都唔错，宽敞得嚟又干净，可能地方大，坐满人都唔嘈，最正系同个客倾得好开心！呢度D客都几斯文，仲有D靓仔恤衫客。职员话呢度夜晚仲有火锅放题，揾机会会同男友再嚟。不过呢度有啲难揾，喺栋高级商厦嘅六楼，初初喺楼下㩒䢂都有啲犹豫，好彩上咗嚟，真心值得试！