貳號冰室 (已結業)

呢间冰室就系柴湾地铁站附近，见二人餐HK$132，价位算合理就入咗去。睇一睇餐牌，选择都算多，不过奇怪蒸鱼即使同其他𩠌同价，也要加HK$20。先来两碗青红萝卜粟米煲猪肉汤，斋睇已经知道超级足料!! 连果皮都有，无味精又清甜。水晶海南鸡皮系好滑，唔知系咪我好彩，刚好全都是脾或者翼，啖啖肉。不过食落似烧腊店的白切鸡，无去骨之余，鸡骨亦仍然偏红。西兰花炒斑片也是一般般，斑片明显先朴了少少粉轻煎过，不知为何有点甜味，少少怪，不过还可以。西兰花就淡咗少少，跟斑片好像不是同一碟𩠌咁。。。另外我地叫咗两杯特饮，每杯加$13。凉粉冰同菠萝冰都唔会好甜，正是我们所喜欢的。凉粉同菠萝都切得细细粒，可以直接用饮管吸到入口，又唔会塞死饮管，不错。