美味餃子店

营业中

休息中

好耐之前朋友带过我黎食美味饺子店既美味饺子，一试难忘。不过，因为好少去太子个头，比较少食。今日难得有事要出太子个头，所以特登早d出黎食个lunch。黎到发现原来佢搬左间大d既铺头，虽然大左好多间店，但星期六食系需要排队。好野多人食都系正常既。同朋友叫左个白菜汤饺同煎云耳椰菜肉饺拼韭菜肉饺，两个都要左10只。5/5 白菜汤饺 - 好足料，菜仲好爽口，虽然d肉无咩味，但整体都饺子系好食。饺子皮唔厚身，唔会一食就好饱，会停唔到口甘系甘食。个汤先系重点，食完个饺子，再饮啖汤，完美4/5 煎云耳椰菜肉饺拼韭菜肉饺 - 煎得好香口，只只饺子都好足料，云耳椰菜有惊喜，比较特别，云耳椰菜同肉系好夹，好爽甜。韭菜肉饺都好食。不过，煎饺比较多油，容易腻呢到d肉饺以菜为主，好健康，所以饺子系无咩肉汁。汤饺就最正，同埋个自制菜脯豆豉辣椒酱都好正，唔太辣，个菜脯又可以加添左口感。想食个清淡健康既饺子，美味饺子店真系一个好选择。不过要有心理准备要排队等位。好彩饺子好快食完，唔使等好耐。