影片
更多
2022-08-18
17 浏览
系旺角通菜街呢条小巷，岩晒捐窿捐罅揾野食，呢日嚟到呢间新开嘅面店，除左食面竟然仲有咖啡饮～ 真系传统得嚟带点创新！🍽食物✨牛队长汤面 $88 8.5/10汤面系佢哋嘅主打～ 牛骨汤底充满鲜味，有啲似越南河嘅汤头，带点清甜，仲有少少药材味，成个汤底好浓但又唔会油腻，配幼面食除左挂汤，更加可以品尝到汤底嘅浓郁。配料都十分足料，有大大旧崩沙腩同封门柳，焖煮到入晒味，但又唔会好韧咬唔到，牛味好突出，仲要份量都唔少！食肉兽见到会好满足🤣👍🏻牛油果虾多士+$40 8/10虾多士就食得多，加埋牛油果真系好少见😂 多士炸到金黄色，上枱时系热辣辣，中间有只大虾仁，下面就系一pat牛油果🥑 食落口牛油果嘅味道唔系好出，但佢嘅质感就劲有存在感！脆卜卜嘅多士同软绵嘅牛油果形成强烈对比，口感比起普通虾多士丰富好多～👍🏻笼仔海鲜蒸饭$88 7.5/10因为想食嘅铁三角蚝虾蟹海鲜汤面卖晒，所以试吓笼仔蒸饭。一上枱就闻到好香蒜蓉味～ 配料有海虾、青口、生蚝、蟹柳同埋虾仁！白饭粒粒分明，店员话因为配料有味，可以先试味如果觉得淡先落豉油。豉油一定要系甜豉油先啱味！再加埋少少辣椒油，可以将成碗饭食晒🤤✨黄金单骨鸡翼 $38
🍽食物
✨牛队长汤面 $88 8.5/10
汤面系佢哋嘅主打～ 牛骨汤底充满鲜味，有啲似越南河嘅汤头，带点清甜，仲有少少药材味，成个汤底好浓但又唔会油腻，配幼面食除左挂汤，更加可以品尝到汤底嘅浓郁。
配料都十分足料，有大大旧崩沙腩同封门柳，焖煮到入晒味，但又唔会好韧咬唔到，牛味好突出，仲要份量都唔少！食肉兽见到会好满足🤣
👍🏻牛油果虾多士+$40 8/10
虾多士就食得多，加埋牛油果真系好少见😂 多士炸到金黄色，上枱时系热辣辣，中间有只大虾仁，下面就系一pat牛油果🥑 食落口牛油果嘅味道唔系好出，但佢嘅质感就劲有存在感！脆卜卜嘅多士同软绵嘅牛油果形成强烈对比，口感比起普通虾多士丰富好多～
👍🏻笼仔海鲜蒸饭$88 7.5/10
因为想食嘅铁三角蚝虾蟹海鲜汤面卖晒，所以试吓笼仔蒸饭。一上枱就闻到好香蒜蓉味～ 配料有海虾、青口、生蚝、蟹柳同埋虾仁！白饭粒粒分明，店员话因为配料有味，可以先试味如果觉得淡先落豉油。豉油一定要系甜豉油先啱味！再加埋少少辣椒油，可以将成碗饭食晒🤤
✨黄金单骨鸡翼 $38 8.5/10
呢个我一见到Menu上面有已经好想嗌，完全冇令人失望🥹鸡翼炸得好香脆，外层包裹住咸蛋黄蓉，炸衣唔会过厚，热辣辣上枱嘅热鸡翼有咩可能唔好食！！！🥹
👍🏻迷你金银蛋白菜 $38 8/10
食太多肉嗌返个菜先，虽然我唔系点食皮蛋，但系就唔知点解好钟意嗌金银蛋白菜仔😂有皮蛋同咸蛋吊下味，个菜都冇咁单调～
👍🏻汤力冰啡 $35 8/10
佢哋系用本地烘焙高海拔咖啡豆，之前都未试过Tonic water加咖啡，试完之后觉得佢偏fruity，酸酸地，都几特别！
👉🏻热咸柠铁观音 $20 7/10
呢款嘅铁观音有啲涩涩哋，加咗咸柠之后，多左一浸咸酸味，好解腻
⛩环境
👍🏻店内虽然环境唔大，但系客人之间都唔会坐得好迫，而且隔离仲有吧枱
👍🏻店内嘅装修好有心思，以好多唔同嘅霓虹灯做装饰，同埋全程都播轩公嘅歌😻
💁🏼♀️服务
👍🏻店员服务态度好友善！
📝总评 8/10
佢哋主打汤面真系冇介绍错，汤底浓郁右足料，如果一定要比较嘅话我会推介汤面多过蒸饭🤣 至于咖啡都好有诚意！冇谂过食面都饮到靓咖啡～
我哋呢日系星期六下午嚟到人流唔多，佢哋真系值得多啲人嚟支持🫶🏻🥹
👛人均消费 ~$190(连加一服务费)
⏱冇限时
张贴
