湯加 (黃埔天地)

营业中

休息中

夜晚食饭叫外卖，谂起好多日冇饮汤，于是系汤加外卖虫草花花胶鱼肚炖鸡汤配淮山面，加个椒盐豆腐做晚餐。首先个虫草花花胶鱼肚炖鸡汤真系几正😋汤料好丰富，花胶一大块，鱼肚亦有两三件，花胶同鱼肚都几厚，入口软身，又唔会煲到冇晒胶感，汤都几鲜甜，亦饮得岀胶质丰富，但虫草花味唔算太浓。个汤原本系配饭$89 ，改配淮山面加$4。汤饭食得多，又见淮山面几特别，唔系度度有，所以改梨试吓。感觉似拉面，唔系弹牙但唔会一咬就散，单独食系冇乜味道，配埋汤就几好食。份量都几多，一个人食唔晒。另外加咗个椒盐豆腐，外卖胶盒焗到淋晒，豆腐唔脆口，呢方面都明白嘅。但椒盐唔均匀就讲唔过了，一件冇味，另一件就劲咸，而且唔热，豆腐内唔滑，食咗两件已唔想食了。花胶汤系正，下次会再买，但椒盐豆腐，不了。