十三姨 (通菜街)

营业中

休息中

开番晚市咁耐，都好少黎旺角，今次黎到就食久仰大名既「十三姨」。好多人都赞佢果汤底超级浓郁，好食到系可以饮埋全部汤底。我地都几夜先去，去到都系要等位，足足等左1个钟。因为实在太多人等大枱了。如果疫情无咁多限聚，咁就好了！ ⦁鹅肝蒜蓉多士 $72本身考虑过嗌鹅肝蛋捞饭（$120/碗），但怕果鹅肝份量太少，所以最后嗌个多士试水温。果多士又劲脆劲香口，而鹅肝油脂劲多，超级肥美。 ⦁十三么🐔 $70碗十三么入面用左鸡汤做底，再配埋手撕鸡、自家制炙烧鸡叉烧，可以享受啖啖都有肉既感觉。肉质嫩滑唔会太干身，加上鸡肉吸晒汤汁精华，令到成碗面更加升华。 ⦁十三飞🐮 $76碗十三飞入面有满满既牛（安格斯牛肩胛、牛肋条），可能因为咁有种错觉以为自己食紧牛腩面。每款汤面入面都有落到猪肠粉，唔知系边个地方既煮法呢？ ⦁黯然鸡叉烧饭 $54碗饭一黎到，眼见成碗满布木鱼碎同法律酱，一度以为成碗大阪烧。除左外表似大阪烧，就连块鸡叉烧都好似日本果种叉烧。碗饭酱汁太多同偏咸，令到果饭底偏向淋身，尼个系唯一败笔之处。