露面手工拌麵料理

环境5分：正常面舖格局，D位分隔得都好开，都几阔落，畀五分。卫生5分：筷子，醋，辣椒油，牙签，纸巾放响枱上任用，餐枱干爽唔会黐立立，卫生满分。服务5分： 见到有职员响埋边好熟手地包云吞，非常专业。侍应生好好人，爽手唔啰嗦，有问有答，点菜上菜一样咁快，效率高，满分。味道5分：1)    麻辣云耳细细粒好爽口，麻辣程度啱啱好，非常开胃。2)    上汤松茸娃娃菜好大颗，大大条同埋好甜，Ｄ叶好嫩，个菇味好香。3)    嫩鸡白布汤阔面套餐个乳白鸡汤底有清香清甜嘅鸡味，有Ｄ似牛奶咁滑，Ｄ面粗阔得好似又大又长嘅云吞皮，口感好滑，入面系切碎左嘅小棠菜同埋鸡丝，份量非常足。4)    套餐加十蚊要左杯好清润嘅冻小吊梨茶。5)    牛骨饺子面套餐包左四只韭菜饺，韭菜馅多好扎实，好惹味。牛骨面系牛尾骨，有大旧有细旧，仲有几旧超大嘅萝卜，入味又淋，汤面Ｄ面幼身同好滑，食落似米线，牛骨汤底好清甜但就唔奶。6)    牛骨饺子面套餐入面包埋热嘅西施炖蛋，微甜唔实，食完都唔溜。7)    加十六蚊要左杯冻香茅香水柠檬茶，个柠味好出，非常清新。抵食5分：晚餐每人一碗大大碗嘅汤面，仲叫多左两个蔬菜小食同饮品，加埋