祥正飯店

营业中

休息中

今日我和木先生想去食一D平價又抵食嘅嘢，因為我地去完銅鑼灣做按摩，做完按摩之後，木先生就帶左我去灣仔街市下面的地鋪食小菜，因為木先生講想食墨魚餅wor。去到灣仔街市下面的地鋪，個度原來都有幾間小菜，我地就去左最尾尾個間，貪佢小D人。我和木先生只係叫左兩碟小菜食，因為驚叫得太多食唔曬。我地叫左一碟墨魚餅拼豬脛肉，88蚊；另外一碟油墨菜，48蚊。先講墨魚餅，剛剛炸好，夠晒熱，而且外層仲要卜卜脆，好香口。豬脛肉又係一樣好脆口，兩者都無油係面，唔會油淋淋，呢點抵比個like。雖然等咗差不多四十分鐘先有得食，但服務都不錯。另外碟油麥菜都幾好食，木先生仲講好食過屋企整既菜。 埋單都係138，性價比ok。呢條街其實仲有另外幾間食小菜，下次會再同木先生一齊去試。