祥正飯店

营业中

休息中

今日我和木先生想去食一D平价又抵食嘅嘢，因为我地去完铜锣湾做按摩，做完按摩之后，木先生就带左我去湾仔街市下面的地铺食小菜，因为木先生讲想食墨鱼饼wor。去到湾仔街市下面的地铺，个度原来都有几间小菜，我地就去左最尾尾个间，贪佢小D人。我和木先生只系叫左两碟小菜食，因为惊叫得太多食唔晒。我地叫左一碟墨鱼饼拼猪胫肉，88蚊；另外一碟油墨菜，48蚊。先讲墨鱼饼，刚刚炸好，够晒热，而且外层仲要卜卜脆，好香口。猪胫肉又系一样好脆口，两者都无油系面，唔会油淋淋，呢点抵比个like。虽然等咗差不多四十分钟先有得食，但服务都不错。另外碟油麦菜都几好食，木先生仲讲好食过屋企整既菜。 埋单都系138，性价比ok。呢条街其实仲有另外几间食小菜，下次会再同木先生一齐去试。