源記燒味粉麵茶餐廳 (已搬遷) 新店位置

今日要同同事出去做野，去交D资料，咁午餐就系出面解决喇，我地都唔知附近有咩好食，就一边行一边揾，行到源记烧味粉面茶餐厅时，见到有人系度排队，同事就话好似呢间都唔错，就入去试下。饭点时间等左五分钟左右，餐厅都唔算好细。鸳鸯奶茶，感觉无咩特别，但味道都算可以，茶味都算浓，奶味都几醇香，有D苦涩味。炸云吞好香脆，还过炸得好似有D老，如果时间炸得再短一点就更好食喇。见店铺写住招牌系牛腩，咁就梗系要点个牛腩试下系咪真系招牌菜喇，牛腩云吞面，分量都算多，仲有青菜，好多牛腩，性价比好高。首先试下D牛腩先，煮得好入味啊，又好淋，云吞馅有一只完整嘅虾，都几新鲜，汤底都做得唔错，下次经过都仲会过嚟食。