岱民兆禧店

营业中

休息中

屯门兆禧食坊入面都有岱民嘅分店，同样都系卖$25蚊嘅两𩠌饭，性价比真系好高。而且同其他分店一样，都系有接近20款左右嘅小菜供顾客选择，炒菜、肉类一应俱全，而且份量足够，加钱可配例汤或饮品。至于小菜款式我都唔想再多讲喇，因为岱民全线嘅分店大部份都一定会有10～15款嘅小菜会恒常出现，例如煎肉饼、咕噜肉、炸鸡翼、炒菜心、炆猪手、粟米斑块、椒盐猪扒以及红烧豆腐等等，间唔中会有卤水鸡肶同腊肠供应。食物方面～煎肉饼厚身同好大块，但稍为煎得有啲过咗火位，但咸香味好足够，我食得出岱民嘅煎肉饼系有用到咸鱼茸混入去啲肉入面，所以有好香咸鱼味，送饭真系一流！椒盐猪扒都好惹味，但同我喺岱民其他嘅分店食到嘅椒盐猪扒系唔一样，因为兆禧店嘅椒盐猪扒系有用到洋葱同青葱，所以会更加香口，而且仲要有3件咁多(系长条形)，啖啖肉好好味，白饭正常，岱民出品水准长期保持稳定，非常可靠。