Pho 778 (已結業)

自从上次去完越南之后，好耐冇食过越南河粉，今日放工朋友就提议去呢间平民化嘅越南餐厅。餐厅位于湾仔保和大厦地下，虽然唔算太近地铁站，但如果系湾仔返工嘅人应该好容易揾到呢间餐厅。餐厅嘅卖点好清晰，所以餐牌上面只有越南嘅食物，捞檬、汤河粉以及越式法包都会揾到。所有主食包括捞檬及河粉等都可以另外加＄15就可以有埋小食以及饮品。餐牌上面写咗店东开呢间餐厅嘅原因，呢间餐厅系由三个由温哥华返嚟嘅人开嘅。由于佢哋好怀念温哥华越南河粉嘅独有味道，所以就返嚟香港开咗呢间餐厅。安格斯生牛肉汤河粉（ ＄56 )（另追加牛肉）浓浓嘅汤河上面铺上几块薄薄的安格斯生牛肉，面层有越南食物不可缺少嘅葱花以及洋葱。芽菜系另上嘅，感觉几正宗。👍🏻牛肉够嫩滑，汤汁几惹味。餐牌上面有教学，教每位食客如何利用餐厅独特嘅酱料品尝越式河粉。set combo跟餐嘅香茅虾饼，虾饼比较薄身，但算香脆，而且唔会太油腻，沾上酸甜辣酱几开胃。香茅鸡扒捞檬（ ＄49 )鸡扒煎得几香，如果捞檬既汁更多会更好set combo跟餐嘅灼菜越南手撕鸡越式法包（＄33 )手撕鸡配上青菜、青瓜以及蕃茄，一啖咬落感觉好丰富。埋单每人约＄100 。