Simply (已結業)

同朋友来到大角咀，经过Simply见佢有二人晚餐，成个set都系$388仲唔使加一，入去试下先。店内不大，进店后店员示意随便坐，好快送上水同餐牌，即刻落单先。⭐是日餐汤天气冻，我同朋友都拣咗餐汤唔要沙律，是日餐汤系粟米汤，几香甜，仲有粒粒粟米粒。⭐香蒜焗生蚝头盘拣咗要焗蚝，要咗香蒜味，啲蚝焗起上嚟都几大只几鲜味，但系一掂落去就甩壳咁得意嘅😆⭐西京烧比目鱼伴黑松露意大利饭主食之一要咗意大利饭，个饭仲配上西京烧比目鱼，有啲日西fusion feel，哈哈，鱼好滑好香口，意大利饭有浓浓嘅黑松露忌廉味，但个人觉得口感偏腍，冇意大利饭𠮶种半生嘅感觉，扣分😆⭐纽西兰羊架另一个主菜就拣咗羊架，有三支骨，伴菜系薯仔同西兰花，卖相好吸引，要五成熟啱啱好，个羊肉食落去好香红酒味，唔知系咪用酒腌过呢😋⭐牛角窝夫伴雪糕个餐仲有甜品送，我哋两个都拣咗要牛角窝夫伴曲奇雪糕，窝夫新鲜焗起热辣辣，仲好有牛油香，正㖞😋⭐蜂蜜柚子茶 & 即磨咖啡最后就系餐饮，今日咁嘅天气就梗系饮热饮啦，朋友要咗个蜂蜜柚子茶，甜甜地有柚子香，自己要咗即磨咖啡，个咖啡好浓，唉呀～唔知今晚会唔会瞓唔著呢，哈哈。味道唔错价钱抵食，支持一下小店👍