麺屋·隠 (已結業)

元朗新开左间拉面店，名为「麺屋·隠」，位于旧b仔隔离，我系俾个店名吸引左。虽然门面细细，但以全深木色装修，加个红灯笼，充满居酒屋风味。店内以灰砖墙配木餐枱椅，一边系长bar枱配高椅，半开放式厨房，虽然面绩略细，但完全冇压迫感，感觉好温暖舒服。连摆设都好有心思。拉面有4款汤底，仲可以自选汤既浓度，面既软硬度，同配料，非常贴心。另外仲有数款迷你饭同小食提供。朋友叫既黑隠拉面，汤底系黑蒜油，闻都闻到黑蒜油味非常浓郁，我忍唔住试左啖汤，果然系好蒜好蒜。我叫既白隠拉面，即系原味猪骨浓汤，店员话汤底用新鲜猪骨淆制，所以非常浓厚鲜甜，粗切荀丝爽甜冇渣，大大片既叉烧肥瘦适中，仲要有4、5片，好足料。烧八爪鱼丸，好有水准，唔会食到一口粉浆咁，仲要好足料，真系用八爪鱼做馅料架。店员小姐好有礼貌，又经常帮食客添柠檬水，系好温暖既小店，赞！