影片
更多
2009-01-07
1030 浏览
同朋友倾谈, 细说什么会什么会未入过未食过. 偶听闻温莎公爵大厦医学会有个午餐set, 便一直心郁郁, 想找几个好食之人, 中午来试一试菜. 首先要说呢三次与医学会周旋既不愉快经历: 第一次不愉快经历, 中午时段, 打电话去问长问短, 结果因为他们说中午太忙, 没时间给我问长问短. 第二次不愉快经历, 一早打去问, 想book 两个人去食饭, 佢地话最少要要有3个人才 accept booking. 最低消费$120.第三次不愉快经历, 正式make booking, 佢问我有冇黎过, 是否member, 有冇member 介绍........答哂冇之后话full 左......我再话有朋友黎食过介绍, 而且想上黎试试, 第日book晚餐架..... 之后再说, 都有张细台既. 但要我做mamber先. 之后佢好主动fax张membership form 同 午餐menu俾我.成功book到位, 电话里的X先生态度大变, 已开始做新手教路, 亦好积极问我要点乜菜, 呢度惯例系点既 etc etc.1点, un-official 既试食会开始, 先来一个例汤. 例汤显然未够老火, 但饮落
首先要说呢三次与医学会周旋既不愉快经历:
第一次不愉快经历, 中午时段, 打电话去问长问短, 结果因为他们说中午太忙, 没时间给我问长问短.
第二次不愉快经历, 一早打去问, 想book 两个人去食饭, 佢地话最少要要有3个人才 accept booking. 最低消费$120.
第三次不愉快经历, 正式make booking, 佢问我有冇黎过, 是否member, 有冇member 介绍........答哂冇之后话full 左......我再话有朋友黎食过介绍, 而且想上黎试试, 第日book晚餐架..... 之后再说, 都有张细台既. 但要我做mamber先. 之后佢好主动fax张membership form 同 午餐menu俾我.
成功book到位, 电话里的X先生态度大变, 已开始做新手教路, 亦好积极问我要点乜菜, 呢度惯例系点既 etc etc.
1点, un-official 既试食会开始, 先来一个例汤. 例汤显然未够老火, 但饮落清甜, 不太咸, 没有味精. 好有家庭式靓汤feel. 但见到有好多人都附上一碟汤渣, 我们想要一碟时, 伙记说汤底已有汤渣. 好明显是熟客, 或大台客, 有不同待遇.
送一碟油菜, 生菜一碟, 蚝油上等, 碟生菜就只能评这些.
之后有菠萝咕噜肉, 色水不太鲜明, 粉亦不厚, 也是家庭式做法. 朋友说, 如果有咕噜肉, 试食就一定要食佢, 这个才能试得出师傅既功架. 可惜地, 这显出师傅既功架一般.
脆皮生炸鸡, 鸡味没有, 不怪. 说脆皮, 果然一脆, 而且鸡不肥, 自已贪吃了一个鸡萝柚, 竟然不会成咀油, 亦不觉膻. 这只鸡不是瘦, 而是好肉, 大只. 炸得甘香, 不错. 说多句, 皮不连肉的, 呢只鸡fit到连皮下脂都冇. 好鸡.
玉树麒麟班, 班块不是什么上等青班组班, 中间夹著一片火腿. 卖相不错的. 火腿, 应是云腿吧, 一片班片, 一片火腿, 一条菜心. 清清地既一个𩠌. 卖相似commercial, 但味道, 家庭式.
最后, 每人有一碗甜品, 杏仁露也. 颇为特别的杏仁露, 因为带渣, 饮落有少许杏仁碎咬下. 同场的老手食友都觉特别. 甜品够分.
赛后conclusion, 这里吸引人既地方, 除了价钱相宜, 便是一个家庭式既味道. 天天中午在外吃喝, 味精同糖都吸收不少. 要一班人中午, 又唔想被味精"精化", 这里提供了一个好地方. 难怪天天爆场. 对白撞者态度差, 有原因的....because佢地既lunch time根本唔忧做.
午餐, 7选3, $308...价钱来说, 不错.....不知那$40人头餐又会食D咩?
张贴
