影片
更多
2020-11-03
1573 浏览
好少写食评，但因为之前睇过食评投诉呢度嘅服务态度，食过之后好想帮服务员叔叔姐姐平反一下！记得差不多10年前住喺附近时帮衬过饮茶，印象只留有服务员都系比较年长的，没有其他特别感觉。11月2号去完下白泥影日落后，寿星公喜欢广东菜，咁就去食烧猪贺一贺佢来个小庆祝啦！门口比以前热闹咗好多。可能因为疫情，门口放咗几架车仔 企住几位店员，热热闹闹叫卖住外卖小炒、点心、2𩠌3𩠌。良心价格。入到去唔似新式服务，无人带我哋位，见我哋望下望下，就好亲切咁讲「随便坐啦」，原来系自己揾位⋯唔通服务真如评论写嘅咁不济？原来，服务就在你坐低一刻开始！一坐低，应有嘅服务都立即有，茶壶、洗茶壶、饭前花生，服务员全部随时ready 服务你，点餐有礼貌，有耐性，仲有亲切tim！睇得出系好积极嘅服务团队，传菜姐姐一出来，侍应立即上前上菜，感觉到员工们都在开心工作，笑容满面、轻轻松松。他们的轻松自在源于熟练及合拍，他们会留意到我把汤饮完了，会问我要不要添、会提醒我小心夹𩠌时整污糟自己嘅阔衫袖等等。好似系好平常好应该有嘅餐厅服务，我亦讲唔到有更特别嘅事令大家觉得「哗！真系好好服务㖞」。但全餐饭我系食得好温暖、好亲切，系出自真心
记得差不多10年前住喺附近时帮衬过饮茶，印象只留有服务员都系比较年长的，没有其他特别感觉。
11月2号去完下白泥影日落后，寿星公喜欢广东菜，咁就去食烧猪贺一贺佢来个小庆祝啦！
门口比以前热闹咗好多。可能因为疫情，门口放咗几架车仔 企住几位店员，热热闹闹叫卖住外卖小炒、点心、2𩠌3𩠌。良心价格。
入到去唔似新式服务，无人带我哋位，见我哋望下望下，就好亲切咁讲「随便坐啦」，原来系自己揾位⋯唔通服务真如评论写嘅咁不济？
原来，服务就在你坐低一刻开始！一坐低，应有嘅服务都立即有，茶壶、洗茶壶、饭前花生，服务员全部随时ready 服务你，点餐有礼貌，有耐性，仲有亲切tim！睇得出系好积极嘅服务团队，传菜姐姐一出来，侍应立即上前上菜，感觉到员工们都在开心工作，笑容满面、轻轻松松。他们的轻松自在源于熟练及合拍，他们会留意到我把汤饮完了，会问我要不要添、会提醒我小心夹𩠌时整污糟自己嘅阔衫袖等等。
好似系好平常好应该有嘅餐厅服务，我亦讲唔到有更特别嘅事令大家觉得「哗！真系好好服务㖞」。但全餐饭我系食得好温暖、好亲切，系出自真心嘅服务，系敬业乐业嘅服务，尊重自己嘅工作、尊重客人嘅需要。叔叔姐姐们，加油💪！已经搬出九龙几年嘅我，会常常来喇！
羊腩煲
$158
59 浏览
0 赞好
0 留言
莲藕饼
45 浏览
0 赞好
0 留言
张贴
